(Dahil sa may bago na naman akong bill na dumating)
Mahilig akong magwindow-shopping (habang kumakanta sa isip ko ng, “Pangarap ka na lang ba…” ni Jamie Rivera), mahilig din akong mamili ng mga bagay na kung minsan ay hindi ko naman talaga kailangan pa, at sa mga panahong ganito… mahilig din akong magbayad sa pamamagitan ng pagplantsa ng card sa cashier (swipe).
Isang maulang hapon ay naisipan kong sumilong sa isang pamosong kapihan na noong panahong iyon ay naglalaman ng mga pasosyal na kostumer na kunwaring busy-busyhan sa paglaptop, pagbabasa, o pagtetext habang tinitipid ang pag-inom sa isang maliit na baso ng kape.
Ako naman, dahil nagpapatila ng ulan at medyo gutom na ay napaorder ng pagkain at maiinom, hindi ko kasi trip ang tumambay na nakatanga sa loob ng kainan, mukhang tanga. Read the rest of this entry ?
|
